“Kënga Magjike” u finalizua dje, me një spektakël që e pati magjinë e çdo viti për muzikën e bukur, por jo magjinë e publikut dhe skenës së Pallatit të Kongreseve, për shkak të pandemisë. Ama personazhet e njohur parakaluan me veshjet e tyre të përzgjedhura dhe ekstravagante që i dhanë ngjyrim tjetër performancave. Po si u veshën këngëtaret aq shumë të dashura për të gjithë ne? Me të bardha në pjesën më të madhe të përformancave, a thua se kodi i veshjes së këtij viti ishte parapërcaktuar. Por secila ja ka përshtatur veshjen këngës dhe stilit të saj. Orgesën përshembull e pamë të veshur me një kostum me printe shumë interesante. Sonin po ashtu e pamë të veshur me paliçeta të bardha që kishin edhe një vello nga pas, si një nuse moderne shumë e bukur. Semi Jaupaj po ashtu u shfaq me të bardha.
Ndërsa Linda Halimi, Eneda Tarifa, Era Rusi, Xhesika Polo dhe Gerta Mahumatj e kishin thyer ‘rregullin’ me ekstravagancën e të zezës dhe ngjyrave nude. Kush është veshur më bukur, po ua lëmë ju ta zgjidhni, mbase zgjedhim një fitues tjetër për veshjen…/revistawho.com
