Një ditë pas finales së madhe të “Top Awards 1” dhe pas zhurmës së krijuar prej tij, Noizy flet sot për herë të parë në një intervistë për revistawho.com. Pse e bojkotoi ngjarjen e muzikës moderne dhe çfarë e provokoi atë reagim të ashpër nga ana e tij për moderatorin dhe autorin e spektaklit, Ledion Liço. Reperi i suksesshëm që numëron dhjetëra hite dhe është ndër më të preferuarit e audiencës përgjigjet si më poshtë…
Pse u tërhoqe nga “Top Awards”?
U tërhoqa, sepse mora vesh se kush do marrë çmime dhe nga sa do merrnin për kokë.
Pse reagove aq keq ndaj komentit të Ledionit?
“Nëse qeni nuk të nguc leje të eci n’rrugë t’vet, por ti e provokon dhe tash po bërtet: ku ku medet çfar’ e gjeti kët’ milet, knej e gjujn gurin knej thojn mos se m’vret”… Përgjigjen e gjeni në këtë pjesë të këngës sime.
Nuk ke frikë që me atë deklaratë prish marrëdhëniet me një nga mediat më të fuqishme në vend?
Nëse “Top Channel” varet nga Ledioni atëherë le të prishet marrëdhënia. S’më kanë bërë televizionet, e as radiot e gazetat. Më ka bërë puna, ky që jam sot.
Pse nuk i ke të mira marrëdhëniet me festivalet?
Unë nuk fus miq e as dashnoret e mia për të fituar çmime. Unë jam tepër i thjeshtë, madje shumicën e kohës vishem me tuta.
INCIDENTET E SHËNUARA GJATË “TOP AWARDS”?
Mbrëmja e çmimeve të muzikës moderne u çel me një performancë nga këngëtarët Kida, Mozzik, Getinjo dhe Endri për të vijuar më tej me fjalën e prezantuesit të këtij edicioni, Ledion Liço, i cili përdori ‘thumba’ në formën e batutës për disa nga artistët, përfshirë këtu edhe Noizy-n. ‘Noizy do të duhej të ishte këtu. Por ai erdhi në prova me makinën e tij ‘Ferrari’… Kështu është kur shet mend me Ferrarin e shokut’, – tha Ledion Liço, të cilit me siguri nuk ia ka marrë mendja se përgjigja që do të vinte nga reperi do të kishte këto nota. ‘Mbreti i xhunglës ecën vetë! Fuck your Awards Ledion Liço! Shko bjeri b***ës, por bjeri haptas! Mos mbaj të dashur sa për mos të të dalë nami. Kollovar që jeton me lekët e të dashurës, bitch boy (mashkull k**vë). Ty s’ta bleu mami, as babi, ta bleu e dashura’, – shkroi reperi në llogarinë e tij në ‘instagram’. Por ky nuk ishte i vetmi incident i shënuar në këtë edicion të parë të “Top Awards”. Gjysma e dyshes së suksesshme Zapp & Chriss (i pari) reagoi në rrjetet sociale duke thënë se ky ishte “M*t Awards”. Pas tij edhe Alban Ramosaj reagoi duke thënë se arsyeja pse këndoi ishin fansat e tij… Ndërkohë që e motra Beatrix, u ndje e fyer nga komenti i moderatorit Liço në nisje të spektaklit për virgjërinë e saj. Gazetari i “Klan Kosova”, Vlorijan Halili u rrah nga menaxheri i “On Records”, ndonëse vetë ky i fundit tha se nuk ka qenë i përfshirë… Po gjithsesi duke lënë mënjanë pjesën gri, spektakli dje ofroi performanca shumë të mira dhe shpërbleu me çmime disa nga artistët që kanë prodhuar hite të padiskutueshme gjatë gjithë vitit.
