Këngëtarja me origjinë shqiptare, Eleni Foureira përfaqësoi në mënyrë dinjitoze Qipron në ‘Eurovision Song Contest’. Madje ajo arriti të renditej në vendin e dytë duke bashkuar votat e jurisë dhe të publikut. Në fakt performanca e saj ishte një ndër më të fuqishmet dhe të gjithë kanë rënë dakord njëzëri se e meritonte plotësisht atë vend.
Dhe si për t’i shprehur mirënjohje për këtë gjë, presidenti i Qipros, Nicos Anastasiades e ka nderuar Elenin me një çmim të rëndësishëm. Këngëtarja me origjinë shqiptare ka publikuar në ‘Instagram’ foto dhe video nga ky moment. “Një nder i madh të marr një çmim dhe të nderohem nga Presidenti. Ndihem krenare për prezantimin e Qipros në Eurovizon”, – ka shkruar ajo bashkangjitur fotografisë. Pavarësisht se mediat greke shumë herë folën kundër saj dhe mbi të gjitha për disa gjeste patriotike shqiptare, vendi në të cilin ajo jeton, Qipro, e mbështet plotësisht. /revistawho.com
https://www.instagram.com/p/BjmYjE5gOm4/?taken-by=foureira
