Elita Rudi moderatorja seksi e ekranit, është bërë pjesë e portaleve me aludimet për një shtatzëni të mundshme së fundmi. Por duket se ketë herë nuk ka duruar më. Me anë të një ‘InstaStory’ mbrëmjen e djeshme ajo është shprehur shumë e irrituar për fjalët që qarkullojnë nëpër portale. Këtë herë ajo i drejtohet vetëm një portali dhe gazetareje në veçanti, pa bërë të ditur emrat.
“Në qetësinë e tyre gazetarë amatorë shkruajnë lajme të ndryshme për mua. Duke shqetësuar ose gëzuar familjarët e mi pa arsye. Le të mbetet në ndërgjegjen tënde e dashur dhe mos harro që me punët e Zotit nuk luhet. I bëj thirrje drejtuesve të portalit të marrin masa. Kam heshtur deri tani duke mirëkuptuar punën e gazetarëve, por nëse ky portal tenton përsëri të shqetësoj të afërmit e mi dhe të dëmtojë imazhin tim do të shihemi në gjykatë. Të gjithë ata që më njohin e din se nuk ua përtoj procedurave.”, – kanë qenë disa nga fjalët e shkruara prej saj.
Kujtojmë se Elita prej kohësh është në një marrëdhënie me Gjikon, reperin e njohur kosovar dhe dashuria mes tyre vetëm shtohet.
