Këngëtarja britanike Ellie Goulding ndërpreu turneun e saj muzikor në korrik të këtij viti për shkak të depresionit që po përjetonte, duke marrë disa pushime në “San Tropez”. Ajo u premtoi fansave se do t’i rikthehej punës shumë shpejt sapo të rimerrte forcat, por mesa duket një gjë e tillë nuk do të ndodhë për një kohë të gjatë. Pas vizitash të shumta mjeksore, mjeket dolën në përfundimin se Ellie nuk vuan nga depresioni por nga lodhja kronike. Në një intervistë për revistën “Stylist” ajo ka treguar gjendjen në të cilën ndodhet.
” Trupi im nuk pranon të ushqehet apo të stërvitet në palestër. Një moment zemra më rrahu aq fort saqë mendova se po kaloja një atak në zemër. Kraharori më kishte marrë flakë. Nuk mund t’jua shpjegoj këtë ndjesi”- tregon Ellie me lot në sy. 29-vjeçarja do të vazhdojë të jetë nën vëzhgimin e mjekëve dhe psikologëve të cilët ja kanë ndaluar rreptësisht punën apo udhëtimet jashtë vendit.
