Elon Musk, drejtori ekzekutiv i Tesla-s, ka ndezur debat pas një fjalimi të mbajtur në arenën Capital One. Gjesti i tij – duke goditur gjoksin dhe ngritur krahun e djathtë – u interpretua nga disa si një përshëndetje naziste. Ky veprim ndodhi teksa ai falënderoi mbështetësit e Donald Trump për rikthimin e tij në Shtëpinë e Bardhë.
Gjatë fjalimit, Musk theksoi rëndësinë e vendimeve të mëdha dhe deklaroi: “Kjo kishte vërtet rëndësi”. Ai e quajti këtë moment një fitore historike dhe vlerësoi rolin e mbështetësve të Trump, duke theksuar se ata kishin ndihmuar për të siguruar të ardhmen e qytetërimit.
Duke folur për entuziazmin e tij për perspektivën e uljes së një njeriu në Mars nga Amerika, miliarderi dhe shefi i SpaceX goditi kraharorin me krahun e djathtë përpara se ta ngrinte atë drejt qiellit.
Më pas, ai u kthye me shpinë drejt audiencës dhe e përsëriti gjestin duke parë një flamur amerikan që varej pas tij.
Musk i cili njihet për mendimet dhe veprimet e tij kontraverse iu përgjigj akuzave duke thënë se armiqtë e tij se po angazhohen në “truke të pista” për ta njollosur atë.
“‘Të gjithë janë Hitler’, është një sulm kaq i lodhshëm. Jeni të lodhur!” shtoi ai në një postim në X, duke e shoqëruar me një emoji që tregon gjumë.
