Emocione pafund për fansen e Shivait, aktori e surprizon në mënyrën më të bukur

Aktori Nakuul Mehta njihet si ndër personazhet më të dashur për publikun indian dhe tashmë edhe për atë shqiptar duke qenë se prej më shumë se një viti e ndiqni në serialin e njohur që transmetohet në televizionin “Klan”. Shivait i pëlqen t’i bëjë fansat e lumtur dhe së fundmi ka bërë një gjest shumë emocionues për një fanse. Aktori po xhironte për një reklamë në rrugët e Mumbait kur papritur një kalimtar e takoi. Kalimtari i tregoi Shivait që motra e tij është fanse e madhe e tij. Kur mësoi këtë, aktori vendosi ta surprizonte fansen dhe e pyeti të riun nëse mund ta shoqëronte në shtëpi për të takuar motrën e tij. I riu u gëzua shumë dhe bashkë me Shivain shkuan në shtëpinë e fanses. Kur aktori u shfaq në derë fansja nuk arriti ta besonte. Shivai përshëndeti fansen dhe familjen e saj dhe kaloi disa momente me ta./revistawho.com