Ideja e “Open Festival On Tour” lindi prej dy njerëzve që duket se e kanë në vena dhe në çdo qelizë të tyren kërcimin, Enada Hoxha dhe Gerd Vaso, të cilët së bashku me organizatën “Njerëz dhe Ide” do të sjellin për publikun shqiptar 10 artistë argjentinas, që do të dhurojnë për publikun një spektakël plot ritme folku argjentinas dhe tango.
Argjentina ka qenë gjithmonë inspirim për traditën, artin dhe kulturën që mbart. Për mënyrën se si kërcimin argjentinasit e kanë të lidhur me përditshmërinë e të jetuarit. Për ta jeta çdo ditë është feste, është këngë, është kërcim, përtej gjithçkaje.
Grupi Sangre Nativa-Argentina vjen për herë të parë në Shqipëri për të shpalosur folkun dhe kulturën e tyre nëpërmjet valleve karakteristike, ritmike dhe elegante. Për muzikën melodioze dhe tangon që vetëm ata dinë ta kërcejnë më së miri.
Çelim Festivalin më datë 7 Qershor ora 19:00 ne qytetin e Korçës.
Tirana ndërkohë do jetë një nga stacionet e rëndësishme ku grupi i artisteve argjentinas që do performojnë së bashku me Enada Hoxhën dhe Gerd Vason për disa ditë radhazi në Teatrin ‘ArTurbina’ në datat 10, 11 dhe 12 Qershor.
Për të vijuar me tej me qytetin e Fierit ne datën 17 Qershor, Teatrin “Migjeni” në qytetin e Shkodrës në datën 19 dhe 20 Qershor, Teatri “Skampa” i qytetit të Elbasanit 21 Qershor, për ta mbyllur me qytetin e Vlorës në datë 27 Qershor në Lungomare.
Disa nga partnerët e aktivitetit janë: Ministria e Kulturës, Bashkia Tiranë, Bashkia Korçë, Bashkia Fier, Bashkia Shkodër, Bashkia Vlore, Bashkia Elbasan. /revistawho.com
