Enca është një nga ato artiste që përveç se me talentin dhe këngët, di si të vjedhë vëmendjen e të tjerëve edhe me pozat provokuese në rrjetet e saj sociale. Megjithatë kur vjen puna për jetën e saj private, Enca është treguar gjithmonë mjaft e rezervuar. Ndërsa sot ka zgjedhur të ndajë për herë të parë një detaj special. Ashtu si çdo vajzë, edhe Enca duket se ëndërron për ditën e saj të dasmës. Me një postim në ‘instastory’, Enca ka treguar se dasma e saj do të jetë më e madhja në Shqipëri dhe do t’i ftojë të gjithë. Ky pohim me siguri ka gëzuar fansat e këngëtares, të cilët janë të shumtë në numër.
