Prej vitesh Eneda Tarifa është vazhdimisht prezente në tregun muzikor dhe tashmë është një nga këngëtaret më të preferuara të publikut shqiptar. Së fundmi këngëtarja është edhe trajnere në ‘The Voice Kids’ dhe për të ashtu si çdo eksperiencë tjetër edhe kjo duhet të jetë shumë e vyer. Ditën e sotme Eneda ishte e ftuar në emisionin ‘Pop Culture’, ku foli për gjithë karrierën e saj muzikore dhe jo vetëm. Ajo tregoi për eksperiencën e saj si moderatore në spektaklin e humorit ‘Portokalli’. “Pjesëmarrja në ‘Portokalli’ më dha një tjetër drejtim në karrierën time. Më ka ndihmuar shumë dhe më ka plotësuar shumë. Eksperiencë e jashtëzakonshme” tha këngëtarja. Ndërsa për pjesëmarrjen e saj në ‘Eurovision’ ajo tha se presioni dhe ankthi është shumë i madh, ndaj këto gjëra dëshiron t’ia jap si këshillë Eugent Bushpepës, i cili do të prezantojë këtë vit Shqipërinë në ‘Festivalin Evropian’. /revistawho.com
