Eni Çobani gjithmonë na ka treguar se i pëlqen të përfshihet në fushata sensibilizuese apo bamirësie. Ditën e sotme nëpërmjet historisë së një mike të saj, Eni është sensibilizuar me të gjithë personat që luftojnë me jetën për shkak të sëmundjeve të rënda. Juristja e njohur ka treguar se për t’ju gjendur pranë mikeshës së saj në këto ditë të vështira, ka vendosur të bëhet njësoj si ajo. Eni ka lidhur një shall në kokë, për t’i thënë se asnjëherë nuk do të jetë vetëm.
“Sot e fillova ditën me miken time të ngushtë e cila po kalon një sfidë të madhe me jetën të cilën po e sprovon shumë shpirtërisht dhe moralisht. Tek e shikoja më dukej sikur lexoja librin e jetës që nga loja me peta para pallatit dhe deri ditën kur ajo dhe unë u bëmë nëna dhe gra profesioniste. Më dolën lot pas xhamave të syzeve, por e kapa dhe e shtrëngova fort dhe i thash ma lidh dhe mua këtë shallin në kokë si ty se dua të jem me ty kudo në të mirë dhe në të keqe dhe kështu të dyja do ta mundin të keqen në trupin tënd. Sot dua t’i lutem veçanërisht Zotit për miken time dhe për gjithë ato gra e burra që duan ta sfidojnë të keqen me forcë dhe vullnet. Se jeta është një dhe atë duhet ta jetojnë të gjithë secili në formën e ti”, – ka shkruar Eni në ‘Instagram’. /revistawho.com
