Kohët e fundit mes artistëve dhe fansave është krijuar një ‘debat’ lidhur me klikimet e disa këngëve të publikuara. Në një Shqipëri të vogël shumë prej këngëtarëve tanë kanë marrë më miliona klikime gjë kjo e cila ka krijuar dyshime edhe tek këngëtarja Eni Koçi. Nëpërmjet disa postimeve të bëra në ‘Instastory’, ajo bën një krahasim midis tregut shqiptar dhe atij të huaj, ku tregon se këngëtarët me famë botërore kanë më pak klikime se një artist shqiptar.
“Super artistë për më shumë se 1 muaj marrin 4.5 milionë klikime, por 90% e artistëve shqiptarë, ne maksimum 6.000.000 shqiptarë që jemi, duke përfshirë edhe Kosovën, i arrijnë këto klikime për një ditë ose maksimumi 2-3 ditë. Nuk ju duket pak e çuditshme? Nga ky 6.000.000 që po supozoj që mund të përdorin ‘Youtube’ kemi: ushtarë, të sëmurë, policë, çdo ditë 100 avionë që ngrihen nga aeroporti jonë dhe shkojnë diku, ka studentë para provimeve, njerëz që nuk dëgjojnë muzikë se janë fetarë, njerëz në plazh, spitale politikanë etj. Kështu që pyetja ime është, si shumica e madhe e këngëtarëve shqiptarë i arrijnë këto klikime brenda 24-72 orëve? E vetmja mënyrë është të ketë shpërthim internacional. Nëse këta/ këto do të kishin treg të jashtëm pse këndojnë në fshatrat e rretheve të thella? Së dyti 1 milionë klikime në 48 orë ndërsa në ‘iTunes’ nuk kalojnë më shumë se 1000 blerje. Bebe Rexha , Steflon Don dhe Ne-Yo për një javë të tre kanë më pak klikime se disa artistë shqiptarë. Jeni bërë për turp me blerje të klikimeve, kaq kisha”-, ka shkruar Eni e revoltuar. /revistawho.com
