Enida dhe Marjusi kanë qenë për 3 javë konkurrentë në shtëpinë e Big Brother. Një kohë e shkurtër, por e mjaftueshme për të njohur banorët që nga jashtë duken ndryshe.
“Olsi nuk është aq impulsiv sa duket. Është çun i mirë”, ka thënë Marjusi, shkruan “Class”.
“Fiorentina nuk është treguar pozitve. As Lupçe dhe Katerina nuk janë treguar të mirë me ne”, kanë thënë ata. Ndërkaq sipas çiftit të martuar dhe prindër të një vajze, shumica e çifteve janë çifte loje, madje edhe Danieli me Fotininë që u martuan këtë fundjavë. Sipas tyre ky ishte një veprim i nxituar, megjithatë i uruan çiftit që nëse dashuria ekziston, të mbeten bashkë. “Danieli dhe Fotinia ishin në botën e tyre. Disa herë deshëm të afroheshim me ta dhe ata na kanë larguar”, treguan ata.
Marjusi dhe Enida kanë treguar edhe për vendimet që kishin marrë. Ata kishin vendosur të mos ndanin intimitetin e tyre me publikun, edhe për arsyen që jashtë shtëpisë kishin lënë të bijën. Kjo, edhe mund t’i ketë penalizuar. Megjithatë në fund të lojës ndihen mirë dhe nuk janë penduar aspak për këtë përvojë.
