Moderatori i njohur Eno Popi, ka rrëfyer në një intervistë për revistën ‘Class’ për herë të parë për jetën e tij. Eno ka një lidhje shumëvjeçare me Atena Pali dhe shumë shpejt do të bëhen prindër. Ai ka treguar emocionet e marrjes së lajmit dhe dëshirën fillestare të të pasurit një djalë.
“Ndodhi komplet ndryshe nga 1001 mënyra që kisha në kokë, që nëse një ditë do më vinte ky lajm, sesi do e përjetonim. Në kokë kisha tjetër ide komplet. Ka qenë ditë me shi, në ato muajt e parë të rikthimit në punë pas sezonit veror. Atena më merr dhe më thotë vetëm shih pak telefonin, ku më kishte nisur fotot e një testi paraprak. Pasi i pashë, befas pata një hutim, por edhe gëzim dhe një trembje po aq nga pasiguria asaj që po shihja. Analizat e mëvonshme na vërtetuan gjithçka dhe aty filluan mijëra mendime në kokë. Që nga sa gati jemi deri se si do ndryshojë rrjedha jonë e jetës tashmë. Por, dhe ne si të gjithë. Më shumë dashuri dhe sakrificë.”
“Po, mendonim për një djalë. Në bisedat tona madje i kishim ndarë edhe emrin. Por, fati desh të bekoheshim me një vajzë dhe mezi po presim. Pas dëshirës besoj për këdo që vjen dhe mirënjohja që përjetojmë këtë ndjesi tani. Kjo kapriço e gjinisë pastaj kalon” –është shprehur më tej moderatori i njohur./revistawho.com
