Era Byberi, me pasionin për të krijuar, dedikuar së bukurës, sharmantes, stilit dhe elegancës, pas shumë pune, kërkimesh vendosi që të hapë brand-in e saj të veshjeve, duke ju shtuar tregut shqiptar.
E rritur mes copave, shkumësit dhe metrit, me të ëmën rrobaqepëse, pa kurrfarë trajnimi, Era ka punuar herët me skica duke hedhur në letër vizionin e saj për të bukurën dhe pas shumë vitesh e vuri në jetë.
Më 6 dhjetor, në Tiranë u mbaj sfilata e parë e Era Byberi Brand, ku u prezantua para një publiku me njerëz të ekranit, e jo vetëm, vizionin i brand-it më të ri shqiptar që është Made in Italy. Mes veshjeve Byberi ka vendosur t’i dedikohet gruas së pavarur, me vetëbesim, sensulae, por pa e kaluar cakun.
Çdo veshje ka vetëm një qëllim: Të ndihesh grua dhe e bukur.
Fundja vetëbesimi është çelësi i të dukurit bukur dhe Brand-i i Era Byberit këtë do ta theksojë më shumë se gjithçka tjetër.
Komercializimi është shumë larg kësaj linje dhe Era është siguruar që çdo grua të gjejë veten tek krijimet e saj. Në sfilatë kanë marrë pjesë disa nga emrat dhe fytyrat më të bukura shqiptare.
Dashuri, shumë punë, pasion dhe dëshirë për të ndarë pak bukuri me të gjithë, kaq ka mjaftuar që ti hapet rruga brand-it më të ri në Shqipëri./revistawho.com
