Këngëtarja e dashur, Eranda Libohova, ka qenë e ftuara speciale mbrëmjen e kaluar në “Këndo këngën time”. Teksa ka folur gjatë dhe pa komplekse, Eranda ka pranuar se dikur ndoqi trendin e asaj çfarë ishte në treg dhe ka gabuar me zgjedhjen e një kënge. Megjithatë ajo ka shtuar se mençuria e artistit është të kuptojë vendin e tij dhe kështu ndodhi edhe me të. “Ndodh në karrierën e artistit të këndojë një këngë që se do. Ndodh në një moment të caktuar që gabon në zgjedhje ose ndjek trendin e asaj çfarë prodhohet në treg. Por zgjuarsia dhe mençuria e artistit është të kuptojë ku e ka vendin. Unë u tërhoqa shpejt, ajo këngë doli dhe mua personalisht nuk më ngjiti, nuk më pëlqeu dhe u ktheva sërish në atë muzikën që publiku është mësuar ta dëgjojë gjithmonë prej meje”, u shpreh Eranda. Zgjedhja e saj ka qenë pa dyshim shumë e drejtë pasi sot ajo është një nga këngëtaret më të pëlqyera të muzikës së lehtë dhe asaj popullore.
Eranda Libohova flet pa doreza, pranon se ka një këngë të sajën që nuk i pëlqen
