Eranda Libohova ishte e ftuar speciale ditën e sotme në emisionin “E diell”. Përmes videove nga festivalet e hershme, këngëtarja është kthyer pas në kohë dhe ka kujtuar disa epsiode mjaft interesante. Ajo ka sjellë në studio një fustan që e ka veshur në “Fest ’87” dhe ka rrëfyer se asokohe ja kishte dhënë një mike e saj për ta veshur.
https://www.instagram.com/p/B4-PIQzgN-W/
Më pas Eranda nuk ju ka shpëtuar disa pyetjeve shumë pikante për jetën e saj private nga Fjoralba Ponari dhe Ervin Kurti. Duke qenë se Eranda është beqare, ajo është pyetur se çfarë kërkon nga një mashkull dhe këngëtarja është përgjigjur shumë thjeshtë: “Njeriun e mirë”. Në lidhje me martesën e saj ajo ka treguar se nuk ka kohë as të ëndërrojë për martesën, sepse ka martuar shumë të tjerë. Ndërsa kur u pyet se cili është fustani ideal i nusërisë për të, Eranda tha se ende nuk ka vajtur puna aty, por ajo do të dëshironte diçka të thjeshtë, pas trupit dhe me gjatësi deri poshtë gjurit.
https://www.instagram.com/p/B4-Tj1hgDb1/
Këngëtarja e njohur nuk preferon të flasë shumë në lidhje me këtë pjesë të jetës së saj, por siç duket në intervistën e “E diell” e ka marrë çdo gjë me shumë sportivitet. /revistawho.com
