Erik Fullani ka befasuar ndjekësit me deklaratën e tij më të fundit, duke zbuluar se është gati për një hap të madh në jetë. I ftuar në emisionin e Mira Kazhanit, ai u shpreh me sinqeritet se po kërkon stabilitet dhe se planet për martesë janë më serioze se kurrë.
“Kam vendosur të bëhem çun i mirë këtë herë. Dua të martohem, do bëj dasëm shumë të madhe. E kam gjet edhe vendin, por nuk e them se kam hall se ma marrin,” – tha ai me humor, duke lënë të kuptohet se surpriza e radhës mund të jetë pikërisht dasma e tij.
Prej kohësh, emri i Erikut është lidhur me Sara Hoxhën, producenten dhe partneren e dikurshme të Ledri Vulës. Të dy janë parë shpesh në të njëjtat ambiente dhe evente, duke ndezur thashethemet për një lidhje në zhvillim.
Edhe pse asnjëri nuk e ka pranuar hapur romancën, fotot dhe daljet e tyre publike kanë bërë që fansat të jenë pothuajse të sigurt se “diçka po ndodh”. Nga ana tjetër, Sara ka zgjedhur të mos komentojë – por miqtë e afërt të çiftit aludojnë se ajo më në fund ka gjetur qetësinë dhe lumturinë që kërkonte.
Duket se Fullani po hyn në një kapitull të ri të jetës së tij, dhe ndoshta shumë shpejt do ta shohim në altar përkrah Sarës.
