Ermal Meta do të rikthehet pas tri vitesh në Tiranë, ku do të mbajë një koncert në Stadiumin Air Albania. Përmes një postimi në rrjete sociale këngëtari me origjinë shqiptare njoftoi se koncerti do mbahet më 17 shtator.
“Siç premtuam, kemi një datë të re. Pas koncertit në Tormina do të këndojmë së bashku nën qiellin e Tiranës. Më 17 Shtator në stadiumin ‘Air Albania’ do të krijojmë së bashku një kujtim të bukur. Koncerti do të jetë falas dhe artdashësit mund të regjistrohen nga e marta, 25 Gusht në linkun në story. Ju pres!”, shkruan Meta.
Koncerti i fundit është mbajtur në Pallatin e Kongreseve si pjesë e një turneu që Ermali po bënte së bashku me një bandë të vogël, ndërsa tani do të mbahet një koncert i madh, falas për të gjithë, prandaj nxitoni të rezervoni.
View this post on Instagram
