Një ditë pas largimit nga Big Brother, Ervini dhe Sidrita ishin të ftuar në “Fun Club”, nga ku nuk i kursyen akuzat edhe ndaj produksionit me pretendimin se ata që largohen apo ata që qëndrojnë në shtëpi nuk vendosen nga publiku, por nga produksioni
Këtë pasdite, Ervini dhe Sidrita kanë qenë të ftuar në “Pasdite në Top Channel” dhe kanë rrëfyer emocionet e para pas daljes nga shtëpia, pritja e publikut, por edhe bombën që shpërtheu të shtunën: “Momenti kur prezantuesja tha emrat tanë, më erdhi si bombë. Nuk e prisja të dilja, madje isha i sigurt që loja ime do të vazhdonte akoma… Siguria më vinte nga parimet dhe normat e mia. Isha i sigurt për lojën që po bëja, duke parë edhe çfarë bënin konkurrentët e tjerë…” – tregon Ervini dukë këmbëngulur se po e bënte mirë lojën e tij dhe se, edhe nëse do të rikthehej, nuk do të korrigjonte asgjë te vetja: “Unë nuk do korrigjoja asgjë, edhe momentin e acarimit me Damianon nuk do ta shmangia. Unë e kam të shenjtë familjen dhe partneren dhe të gjithë banorët duhet të dinë normat e mia…”
Ndërsa Sidrita, duke theksuar se të dy nuk patën mundësi të tregojnë vlerat dhe më të mirën e vetes, mendon se penalizimi u erdhi, ndoshta për shkak se ata ishin të vetmit që ishin treguar çift i vërtetë në shtëpi: “Duke e ditur që ky edicion ishte edhe Love Edition, puthjet tona u ranë në sy të gjithëve dhe ndoshta ka dalë edhe gjë e tepërt në sytë e publikut…” – tha ajo, por nuk mendon se dalja e saj ka qenë e penalizuar edhe nga Ervini.
Të pyetur për marrëdhënien e tyre jashtë shtëpisë, Ervini dhe Sidrita duken realë, shkruan “Class”. Në këto dy ditë, ata kanë kaluar më shumë kohë me familjarët, por edhe janë takuar me njëri-tjetrin: “Unë ndihem shumë fitues nga Big Brother, njohja me Sidritën është një dashuri. Këto dy ditë kemi qenë njëlloj si në shtëpi. Deri tani çdo gjë mes nesh shkon shumë mirë, kemi kimi me njëri-tjetrin…” – thotë Ervini duke e përshkruar Sidritën si vetë emrin e saj: “Për mua, Sidrita është përshkrimi i emrit, i ka të gjitha të mirat, është e ëmbël, di të flasë me maturi, është vajzë me norma, i mendon gjërat para se t’i thotë. Nuk e krahasoj me asnjërën brenda në shtëpi.”
Nga ana tjetër, Ervini për Sidritën “ka një karakter shumë të fortë, nuk është i luhatshëm dhe ka shumë vetëbesim. Kjo gjë më bën që edhe unë të ndihem mirë pranë tij. Natyrisht, është edhe simpatik. Janë tri pika të forta të Ervinit…”
