Pas zhurmës së madhe në rrjete sociale dhe komenteve që e kthyen në një nga temat më të përfolura të spektaklit Big Brother VIP Albania, Arjola Demiri ka vendosur t’i japë fund spekulimeve duke folur hapur për shtëpinë që iu premtua gjatë emisionit.
Në një prononcim të fundit, aktorja, e njohur për stilin e saj të drejtpërdrejtë dhe humorin, sqaroi me qetësi:
“Me shtëpinë shumë mirë, aty është, vetëm me u fut brenda.”
Sipas saj, megjithëse ka kaluar kohë që nga përfundimi i formatit, shtëpia është reale dhe ndodhet në pritje të përfundimit të punimeve që do ta bëjnë gati për jetesë. Ajo shtoi më tej:
“Kur të futem, do e merrni vesh. Sepse u bë legjendë kjo historia e shtëpisë.”
Demiri theksoi se procesi ka qenë i gjatë për shkak të gjendjes fillestare të pronës, që ishte ende në ndërtim kur iu dhurua gjatë spektaklit.
“Ka qenë në themele kur është dhuruar, kështu që është normale pritja.”, tha ajo, duke shtuar gjithashtu:
“Është vetëm me u fut brenda, ta mobilojmë, ta sistemojmë, se do punë.”
Me këtë deklaratë, aktorja i jep fund zërave dhe shakanave që qarkullonin në publik, duke konfirmuar se shtëpia ekziston dhe është thjesht çështje kohe para se të bëhet gati për banim.
