“Met Gala 2024” do të ketë temën “Bukuroshet e Fjetura: Rizgjimi i Modës”.
Kjo temë është bërë e ditur në mënyrë që të famshmit janë të ftuar të prezantohen në event.
Ai do të zhvillohet të hënën e parë të majit 2024 që i bie më 6 maj.
Aktiviteti vjetor i bamirësisë për Muzeun Metropolitan të Artit në New York i organizuar si çdo vit nga drejtoresha e Vogue, “Anna Wintour” këtë vit do të ketë temën “Bukuritë e Fjetura: Moda e Rizgjimit”.
“Ekspozita e re do të fokusohet në përdorimin e kërkimit, diskutimit dhe teknologjisë për të riprodhuar ndjenjën e ekspozitave kryesore të muzeut. Qëllimi është t’u japim një jetë të re këtyre objekteve historike, përmes rikrijimit dhe për të përcjellë erërat, tingujt, teksturat dhe lëvizjet e rrobave që nuk mund të ndërveprojnë më drejtpërdrejt me trupin. Met Gala do të eksplorojë konceptet e rilindjes dhe rinovimit, duke përdorur natyrën si një metaforë për ekzistencën e modës së kaluar”, thuhet në njoftim.
Kujtojmë se “Met Gala 2023” iu kushtua të ndjerit Karl Lagerfeld.
Ekspozita, e quajtur “Karl Lagerfeld: Një linjë e bukurisë”, ekspozoi karrierën e stilistit të shquar, e cila u shtri nga viti 1954 deri në vitin 2019 në shumë marka të modës së lartë, duke përfshirë Balmain, Chloé, Fendi, Chanel dhe linjën e tij Karl Lagerfeld.
