Me siguri të gjithë e kujtoni më së miri aktorin turk, Kenan Imirzalioglu, që u bë shumë i njohur në Shqipëri për rolin kryesor në filmin ‘Ezel’. Aktori do të rikthehet përsëri në serialet turke me rolin e njërit prej personave më të rëndësishëm në historinë e Turqisë, Sulltan Mehmeti. Seriali quhet ‘Mehmed Bir Cihan Fatihi’ dhe do të fillojë transmetimin në Turqi nga fundi i muajit shkurt. Ky serial mendohet se është një ndër më të shtrenjtët të realizuar deri më tani në Turqi, sepse një seri kap shifra prej 525 mijë dollarësh. Në fakt këto shifra janë të justifikuara, sepse efektet vizuale, kostumografia dhe loja e aktorëve janë realizuar me një profesionalizëm të lartë. Seriali do të ketë një numër të madh aktorësh ku përveç Kenan Imirzalioglu mund të përmendim edhe Cetin Tekindor, Metin Akpinar, Gurgan Uygun, Funda Ergyit etj. /revistawho.com
