Ka ardhur momenti që Barack dhe Michelle Obama të transferohen në shtëpinë e re, pas largimit të tyre nga Shtëpia e Bardhë në të cilën sot jeton Presidenti i ri amerikan Donald Trump. Mësohet se po përfundojnë rregullimet e fundit ndërsa paparacët kanë kapur mat kamionët e transportit, me kutitë e sendeve personale të familjes së famshme. Siç është bërë me dije më herët në media, Obama-t kanë zgjedhur të jetojnë vetëm pak metra nga Shtëpia e Bardhë, në lagjen Kalorama. Ata do të jetojnë aty për të paktën dy vite për t’i dhënë mundësi të bijës Sasha të përfundojë studimet. Ndërtesa është një shtëpi elegante prej 750 metrash katrorë, qiraja mujore e të cilës kushton 22 mijë dollarë.
