Taylor Swift është në “telashe”.
Që kur u supozua se ajo është në një lidhje me Matty Healy, këngëtarin e grupit pop “The 1975”, fansat janë revoltuar, duke anuluar porositë e albumit të ardhshëm të këngëtares, duke postuar në “Twitter” e duke justifikuar mungesën e tyre në turneun aktual të Swift-it. Fansat kanë nisur edhe një fushatë #SpeakUpNow, duke kërkuar tërthorazi që Swift të ndahet me Healy. Ajo nuk e ka pranuar publikisht lidhjen, por Healy është parë në koncertet e saj dhe dyshja janë fotografuar së bashku disa herë në javët e fundit.
Healy ka qenë një figurë polarizuese e kulturës pop që shumë kohë përpara se ai dhe Swift të lidheshin, duke bërë komente të neveritshme ose vetëlavdëruese në intervista. Zemërimi i fansave të Swift rrjedh kryesisht nga paraqitja e Healy në shkurt si i ftuar në një podcast të organizuar nga miku i tij, komediani Adam Friedland. Në episod, Healy qesh së bashku me dy bashkë-prezantuesit, Friedland dhe Nick Mullen, dhe e përshkruajnë reperen amerikan Ice Spice si një “zonjë topolake kineze” dhe komente të tjera diskriminuese. Ai kërkoi ndjesë, por fansat sigurisht që nuk harrojnë.
Fansat e Twitter kanë ndikuar shumë në jetën e shumë të famshmëve, postime të ndryshme i kanë dhënë jetë lëvizjes “cancel culture”, ku shumë të famshëm janë përballur me kritika dhe janë “anulluar”. Kjo lëvizje ka dërguar shumë të yje në “harresë”, dhe ka sjellë shumë humbje tek ata dhe biznesi i tyre. Tashmë shumë të famshëm përpiqen të jenë të vëmendshëm me postimet e tyre, sjelljet e tyre në publik, kohët e fundit edhe me jetën personale. Nëse ata shoqërohen me një person të “cancel culture” ose që ka bërë komente diskriminuese në të kaluaren kjë ndikon edhe tek ata dhe sjell një humbje në profesionin e tyre.
