Mariah Carey është një nga këngëtaret më të dashura për publikun anembanë botës. Ajo ka një vokal potent por nuk ka aftësi të mira performuese. Kësaj here është bërë objekt talljeje nga të gjithë fansat në rrjetet sociale pasi gjatë një koncerti të saj ka qëndruar si një “statujë”. Por të gjithë do t’i tërhiqni mbrapsht fjalët kur të dëgjoni arsyen pse Mariah nuk ishte në formë atë natë. Sipas menaxherit të Carey, ajo është ndarë nga partneri aktual dhe po përjeton një periudhë të vështirë. Ne duhet ta përgëzojmë për guximin, që pas gjithë kësaj situate arriti të dilte në skenë për hir të fansave të saj që mezi prisnin performancën.
