Fansi përndjek Luana Vjollcën, plas sherri në mes të Tiranës

Një sherr i ndodhur mbrëmjen e djeshme mes partnerit të Luana Vjollcës dhe një personi ka tronditur moderatoren. Krenar Çoçaj është goditur me grushte nga një fans I Luanës, I cili e përndiqte atë në çdo vend. Ngjarja ka ndodhur dje rreth orës 19:00 në Unazë të Re, pranë Hotel ”Roland”, shkruan “bë”. Fansi i çmendur është identifikuar nga policia si Besmir Lila, është 31-vjeç dhe banon në Londër. Ai e ka ndalur mbrëmë prezantuesen për t’i folur, ndërkohë që ka goditur mikun e saj Krenar Çocajn me grushte, pasi ky i fundit i erdhi në ndihmë Luanës, e cila me siguri është ndjerë e bezdisur nga përndjekja e vazhdueshme. Policia ka arrestuar 31-vjeçarin, menjëherë pas sherrin, ndërsa gjatë kontrollit fizik, ju gjet dhe bllokua në cilësinë e provës materiale një armë zjarri, e llojit pistoletë, pa numër.