Këngëtarja me origjinë shqiptare, Elenei Fouriera është shumë e famshme në shtetet fqinje, sepse fillimisht u bë e njohur në Greqi. Eleni është larguar në vitin 1997 nga Shqipëria dhe pavarësisht se fëmijëria për të ka qenë e vështirë ajo ruan disa kujtime të bukura. Këngëtarja ka publikuar në ‘Instagram’ një foto të vjetër, në të cilën shihet përkrah vëllait të saj. Me anë të fotos Eleni ka uruar vëllain, i cili ditën e sotme feston ditëlindjen. Në kohën kur është shkrepur fotografia këngëtarja duhet të ketë jetuar në Shqipëri, sepse ajo duket shumë e vogël, ndërsa nga vendlindja është larguar në moshën 10-vjeçare. Meqenëse kanë kaluar shumë vite, Eleni ka ndryshuar dhe tiparet e fëmijërisë duket se janë zbehur.
Sot ajo është një këngëtare mjaft e suksesshme dhe madje arriti që vitin e kaluar të renditej e dyta në ‘Eurovision’ me këngën ‘Fuego’ si përfaqësuese e Qipros. Këtë vit ajo pritet të ngjitet sërish në skenën e festivalit europian, si e ftuar speciale për të performuar në natën finale. /revistawho.com
