Fifi ka publikuar bashkëpunimin e saj më të ri muzikor me DJ PM dhe DJ Dagz, të titulluar “Hana”.
“Hana” është kënga në të cilën rolin e protagonistit e ka marrë DJ Dagz. Për tekstin e projektit u kujdes Fifi, ndërsa miksimi dhe masterizimi nga Avaxus, teksa producent i këngës është Fatjon Miftari dhe në kitarë luan Astrit Stasfai.
Treshja e kanë publikuar tashmë projektin në YouTube, ndërsa kjo këngë pritet të shënojë suksesin e radhës duke marrë parasysh vëmendjen e madhe që të tre artistët kanë.
Fifi, DJ Dagz dhe DJ PM ishin pjesë e formatit “Big Brother Albania VIP” dhe janë komentuar pafund për aventurën e tyre në shtëpinë më të famshme në Shqipëri. Pas një sërë situatash dramatike të krijuara brenda shtëpisë dhe ndikimit të tyre në shëndetin mendor, yll i hitit “Marova”, vendosi që të largohet nga shtëpia me dëshirën e saj.
Ndërkohë, DJ PM dhe DJ Dagz, janë eliminuar nga spektakli me votat e publikut nga nominimet javore në vazhdim.
