Filloreta Raçi ose e njohur ndryshe me emrin e artit, Fifi, ka ditur gjithmonë të bëjë publikun t’i kthejë sytë nga ajo me baladat e suksesshme që ka sjellë, por dhe me ekspresivitetin e shfaqur në daljet e saj në televizion.
Së fundmi këngëtarja e njohur, ka ndarë me të gjithë ndjekësit në ‘Instagram’, një video ku ka treguar se ka marrë vendimin të kryejë një ndërhyrje në trupin e saj, e cila do t’i sjellë dhe dobësimin në klinikën ‘Dermolife’. Ajo ka besuar në punën e doktorëve specialistë të klinikës, duke u shprehur se me ndihmën e tyre çdo gjë do të shkojë në rregull.
Si çdo herë tjetër, pa asnjë kompleks, Fifi ka shpjeguar se ndihet pak përtace për të shkuar në palestër apo për të ngrënë më pak nga sa duhet, ndaj ka menduar se kjo ndërhyrje është mënyra më e mirë për të.
“Lutem t’ia dalim”, ka shkruar Raçi bashkangjitur postimit të saj, ku nuk kanë munguar reagimet e shumta të fansave, të cilët e uronin për një shërim sa më të shpejtë.
Kujtojmë se prej disa vitesh tashmë, Fifi ka zgjedhur ta zhvillojë karrierën e saj në Tiranë dhe është kthyer në një nga zërat më të dashur me projektet muzikore që ka sjellë kohët e fundit në treg./revistawho.com
https://www.instagram.com/p/BxC685EnB8E/
