Mbrëmjen e kaluar Fifi ka qenë e ftuar në ‘Top Show Magazine’, ku ka folur për dy projektet e reja që u publikuan para pak kohësh. Ajo shpjegoi kuptimin e fjalës Nanush, që për të gjithë ata që nuk e dinë, është një fjalë përkëdhelëse në dialektin e Kosovës. “Është njësoj si të thuash biri i nënës”, ka shpjeguar Fifi.
Sigurisht që ndër të tjera nuk mund t’i shpëtonte pyetjes që bën kuriozë gjithë publikun: Kush është ‘Nanushi’?
“Nuk kam për ta treguar kurrë, të paktën jo me emër konkret. Nuk dua që të ma marrin të tjerat, ndaj nuk e tregoj”, -tha me shaka ajo. E gjitha sa kuptuam është fakti që këngët e saj janë dedikim për dikë që e ka shumë përzemër, se kush është ky djalë mbetet e pazbuluar./revistawho.com
