Në fundvit i gëzohemi jo pak edhe fitoreve. Kështu Ledri Vula, Ermal Fejzullahu dhe Lumi B duhet të jenë shumë të lumtur në fund të këtij viti, pasi rrëmbyen trofeun e “Top Fest”-it të fundit. Aurela Gaçe, fitoi për të dytin vit rradhazi kupën e “Kënga Magjike”, ndërsa Eneda Tarifa u shpall triumfuese në Festivalin e 54-tërt të Këngës të RTSH, duke fituar kështu të drejtën për të përfaqësuar Shqipërinë në ”Eurosong”, që këtë vit do të mbahet në Suedi. Fitore tjetër ka qenë ajo e Albërie Hadërgjonaj dhe Vesel Kurtishaj në “Dance With Me”. Ky i fundit u shpall gjithashtu fitues i edicionit të tetë të “Big Brother”. Në rradhët e bukurosheve fituan kurorën Sara Karaj në “Miss Shqipëria”, Megi Luka në “Miss Universe Albania” dhe Kristina Bakiu në “Miss World Albania”. Ndërkaq duke iu rikthyer muzikës, Neki Emra fitoi çmimin e parë në festivalin e videoklipit “Netët e Klipit Shqiptar”. Sot në mbrëmje pritet të shpallet edhe fituesi i edicionit të gjashtë të “Dancing With The Stars” në një mbrëmje spektakolare me shumë të ftuar.
