Pas daljes nga shtëpia e “Big Brother” si fitues, Arbër Çepani, është fokusuar në botën e televizionit dhe momentalisht prezanton emisionin e mëngjesit në Radio Televizionin Shqiptar, “Mirëmëngjesi Shqipëri”. Së fundmi moderatori ishte i ftuar në emisionin radiofonik “Thuaje me pepsi” ku zbuloi disa detaje interesante të jetës së tij personale. Ish-banori tregoi se planet për martesë janë të largëta dhe për momentin dëshiron të përqendrohet në jetën profesionale.
“E kam menduar të martohem pas të 40-tave. Por sa më shumë i afrohem dua ta shty edhe më shumë. Për momentin dua të zhvilloj një biznes. Kam pasur dy lidhje të gjatë nga 5 vjet dhe duket se kjo është periudha të cilën unë nuk po e kaloj dot”,- u shpreh Arbri.
Lidhur me planet për televizionin Arbri tregoi se kjo është një punë që e bën me shumë qejf, por nuk është primarja në jetën e tij./revistawho.com
