Një natë më parë u zhvillua finalja e madhe e Festivalit të 61-të të Këngës në RTSH. Nën prezantimin e Arbana Osmanit, këtë edicion u dhanë 6 çmime, 5 prej të cilave u ndanë nga juria, ndërsa publiku zgjodhi me votim këngën përfaqësuese të vendit tonë në Eurovizion 2023.
-Fituesja e çmimit të parë të Festivalit ishte Elsa Lila me këngën “Evita”.
Në vend të dytë u rendit Albina Kelmendi dhe familja Kelmendi me këngën “Duje”, ndërsa në vendi i tretë u mor nga “2 Farm”me këngën “Atomike”.
Në Eurovision do të na përfaqësojë Albina Kelmendi dhe familja e saj.
Rovena Dilo u zgjodh fituesja e çmimit të Karrierës, në këtë edicion të 61 të Festivalit të Këngës. Ky çmim jepet për ata artistë që kanë kontriubuar për më shumë se dy dekada në muzikën shqiptare.
Erma Mici është shpallur fituesja e çmimit “Artisi më i mirë debutues”.
