Këngëtarja e njohur shqiptare, Enca Haxhia së fundmi po shijon suksesin drejt skenës ndërkombëtare, fill pas nënshkrimit të një kontrate me labelin “Sony Music”. Projekti i saj më i fundit titullohet “Ciao”, ku sipas burimeve përflitej që pjesë e tij do të ishte dhe ish-banorja e “Big Brother”, Fraçeska Jaçe. Kënga gjendet në “Spotify”, “Deezer” por klipi akoma nuk nuk është publikuar. Gjithsesi nuk kanë munguar urimet më të ngrohta për të, por njëra në veçanti i ka tërhequr vëmendjen. Ndër të tjera shkëputëm një frazë: “Ti ke një vend në zemrën time që askush nuk e ka!” Këngëtarja është treguar e rezervuar me identitetin e dërguesit, pasi e ka fshirë nga pjesa e pusullës. Vallë kush mund të jetë? Një buqetë me trëndafila dhe disa fjalë të ëmbla “dashurie”, ishin oguri më i mirë për Encën në këtë ditë të rëndësishme për të.
