Ditën e sotme Fjolla Morina feston 4-vjetorin e lindjes së vajzës së saj të vogël, Alayah. Fjolla ka treguar se ka një lidhje shumë të ngushtë me vogëlushen dhe sigurisht që në këtë ditë nuk mund të mungonte një urim i veçantë për të. Ajo ka publikuar në ‘Instagram’ një foto shumë të ëmbël të vajzës dhe i ka dedikuar disa fjalë të ndjera.
“Vajza ime e bukur gëzuar ditëlindjen! Dita që ti ke lindur është një nga më të paharruarat për mua. Asnjëherë nuk do e harroj momentin kur të mora në krahë për herë të parë. Të dua shumë! Jam nëna më e lumtur në botë që kam një engjëll si ty. Ti je thesari i jetës sime. Gëzuar ditëlindjen dashuria ime”, ka shkruar Fjolla në urimin e saj.
Pavarësisht se Alayah është shumë e vogël në moshë ne kemi parë që ajo ta shoqërojë nënën e saj kudo, madje dhe në studiot muzikore. Përveç saj Fjolla ka dhe një vajzë tjetër më të madhe, të quajtur Lediana dhe me të dyja ka krijuar një marrëdhënie perfekte, pasi i është dashur t’i rrisë e vetme. /revistawho.com
