Ndarja e çiftit Olsi-Fjorentina ka shkaktuar pakënaqësi te fansat të cilët kanë akoma shpresa për një rikthim të mundshëm të tyre. Ndërkohë që Olsi vazhdon të jetë tepër aktiv në rrjetet sociale, Fjorentina mbylli llogarinë e saj në “Instagram” përkohësisht. Fatmirësisht ajo u rikthye dhe kësaj here me një ndryshim rrënjësor në “look”. Por mesa duket ish-banorja simpatike është lodhur nga komentet ofenduese me të cilat përballet shpeshherë. Për të gjithë ata që e ofendojnë, ajo ka një “këshillë”. Në foton e postuar në “Instastory”, Fjori shkruan: “Njerëz të mirë, do ju lutesha shumë që në momentin që unë nuk ju pëlqej, mund të mos më ndiqni në profilin tim. Gjithsesi kjo tregon se sa e rëndësishme jam për ju dhe për ato që më ofendojnë, faleminderit shumë. Fansave të mi që më duan dhe ata që nuk më duan, prapë jeni fansat e mi, ju dua!”/revistawho.com
