Batutat e tij janë kthyer shpesh në refren për shumë nga ata që e ndjekin programin e humorit “Portokalli”. Bëhet fjalë për aktorin Florjan Binaj i cili tashmë ka krijuar një familje të bukur dhe është baba i dy fëmijëve.
I ftuar në emisionin “Ditë e re” aktori ka treguar sesi e ka përjetuar ardhjen e fëmijëve të tij në jetë dhe përpjekjet që bën për të kaluar sa më shumë kohë me ta.
“Kur bëhesh me fëmijë e kupton që nuk ka gjë më të bukur në jetë, sidomos me vajzën e kam përjetuar jashtëmase bukur. Rrija e shikoja dhe i thoja: ku ke qenë më parë?”-tha Flori.
Puna i merr shumë kohë aktorit por pavarësisht kësaj ai mundohet të gjejë hapësirë për të qëndruar me fëmijët dhe bashkëshorten e tij.
“Unë përpiqem të jem një baba i mirë. Të jem shumë prezent por puna nuk më le shumë kohë, përpiqem të krijojë shumë lojra në shtëpi.”- ka treguar aktori.
Edhe këtë sezon Binaj është i pranishëm në “Portokalli” me rolet dhe personazhet që zakonisht pëlqehen shumë nga publiku./revistawho.com
