Aktorja e njohur për rolin e Shamikuqes në filmin me të njëjtin titull, Turkan Soray, ka marrë një vendim të rëndësishëm kohët e fundit. Siҫ shkruajnë mediat turke, prej kohësh Soray i është përkushtuar më shumë kujtimeve nga sheshet e xhirimeve dhe filmave, duke e mbledhur jetën artistike në një libër, “Kinemaja dhe unë”. Edhe pse libri është pritur mjaft mirë dhe për të aktorja ka marrë vlerësime, fansat e saj duken qejfprishur, pas deklaratës që aktorja ka thënë së fundi për mediat: “Ndoshta nuk do të luaj më në filma…” Vitet e fundit, tha ajo, është dashuruar më shumë me shkrimet dhe kujtimet për kinemanë. Tani, ajo është në pritje të botimit të dytë të librit, të cilin ka filluar ta promovojë edhe në media.
Soray është vlerësuar me shumë ҫmime në Turqi, si aktorja më e mirë për disa role historike e sidomos për atë të Shamikuqes, në vitin 1978. Filmi i saj vazhdon të ritransmetohet në shumë vende të botës dhe ka po të njëjtën pëlqyeshmëri.
Roli i fundit i Soray ishte në filmin “Mos më kërko larg” në vitin 2015, në të cilin ajo ishte edhe në stafin drejtues, është përfolur shumë për shkak të “bërrylave”, siҫ i ka quajtur aktorja, ndaj edhe kjo gjë e ka mërzitur shumë. Deklarata e saj “kinemanë e kam lënë” nuk u prit mirë nga publiku, sepse të gjithë e dinë që Soray nuk mund të jetojë pa kinemanë. Megjithatë, për momentin, ato tregon se është më shumë e fokusuar në krijimtari – e cila është e pandarë nga kinemaja./class
