2013 ka qenë viti i fundit kur ajo publikoi albumin e saj. Më pas fati për të kishte rezervuar një kthesë tjetër në momentin që mjekët e diagnostikuan me sëmundjen Lyme. Ka qenë një betejë e gjatë por Avril Lavigne arriti të mposhte sëmundjen duke u rikthyer më e fortë se kurrë. Avril dha lajmin për të gjithë fansat e saj që tashmë ishte rikuperuar plotësisht dhe është gati të fillojë punën për albumin e saj më të ri. Këngëtarja u bë e njohur pas publikimit të disa prej këngëve të saj më të njohura ku përmendim: “Girlfriend”, “Wish you were here” etj. Në postimin në Twitter ka shkruar: “Dua të falenderoj të gjithë për durimin e tyre teksa po punoj për albumin tim më të ri. Ka qenë një rikuperim i gjatë dhe dua të sigurohem që ky album të jetë perfekt për ju. Ju meritoni përpjekjet e mia më të mira dhe këtë po mundohem t’ju tregoj. Mezi po pres të ndaj me ju albumin tim më të ri dhe më besoni do të jetë gati atëherë kur nuk e prisni. Ju dua, Avril.”
