Shtatë vjet më parë, më saktësisht në 23 Janar të vitit 2010, ka startuar edicioni i tretë i “Big Brother Albania”, i cili ka zgjatur për plot 113 ditë. Pjesë e tij ka qenë një nga personazhet më të dashura të publikut, Jetmiri, i cili u shpall edhe fituesi i këtij edicioni.
I krahasuar shpesh me paraardhësin e tij, Qetësor Ferunaj, Jetmiri i ka shpirtin lojën, me një objektiv të vetëm, që të ishte fitues. Dhe pas 113 ditësh dhe 15 kilogramëve të humbura djali ndaj Vlora ia arriti që në finalen e 15 majit të atij viti të çonte në shtëpi çekun prej 75 mijë euro.
Por ku është sot Jetmir Salaj, i cili u komentua gjatë për lojën e tij të nxehtë dhe lidhjen me vajzën nga Kosova, Rrezin?
Sipas informacioneve të “Xing.al”, një vit pas “Big Brother” Jetmiri mori në administrim në lokal në Vlorë, ku edhe vazhdoi të jetonte. Ai iu përkushtua punës si menaxher club-esh dhe festash, ndërsa pak kohë më pas u impenjua edhe në politikë. I angazhuar në fushatën politike të PDIU-së, fansat e ish-banorit të “Big Brother” prisnin që ta merrte seriozisht, por menjëherë pas zgjedhjeve 30 vjeçari nga Vlora u tërhoq nga vëmendja publike.
Sa i takon jetës private, Jetmiri i dha fund lidhjes me Rrezartën vetëm pak javë pas daljes nga shtëpia, ndërsa tashmë është martuar me një vajzë nga Vlora, e cila nuk është e njohur për publikun./xing.al
