Mbrëmjen e djeshme në një nga ambientet e kryeqytetit u festua 15-vjetori i krijimit të ‘Top Channel’. Të ftuar ishin personalitete të shumta e sigurisht edhe stafi i Top-it. Por kishte dhe nga ata që nuk mundën dot të ishin pjesë e kësaj feste. U vu re mungesa e Ledionit dhe Sarës, që vetëm pak ditë më parë u bënë prindër të një vogëlushi dhe po shijojnë ditët më të bukura për ta. Nga çifti kalojmë në një dyshe tjetër, atë të motrave Vjollca. Ndonëse të dyja ato kanë shpërndarë në Instagram urimin për përvjetorin e TCH nuk mundën të ishin të pranishme. Luana për momentin ndodhet jashtë Shqipërisë, në qytetin e Londrës. Edhe dy miket e ngushta të ekranit nuk kanë mundur të jenë të pranishme në festë.
Bëhet fjalë për prezantuesen e Portokalli, Xhemi Shehun dhe Arbana Osmani e cila aktualisht po prezanton formatin “Dua të të bëj të lumtur”. Dy moderatoret e njohura nuk kanë qenë të pranishme në festë, por sigurisht e kanë bërë urimin për median që i rriti profesionalisht.
