Reperi i njohur shqiptar, Ledri Vula, dhe ish-partnerja e tij, Sara Hoxha, janë fotografuar së bashku në një nga rrugët më të frekuentuara të Tiranës, në zonën e Bllokut. Takimi i tyre në Rrugën e Brigadave VIII ka ngjallur menjëherë kureshtje, duke tërhequr vëmendjen e kalimtarëve dhe duke nxitur spekulime mbi raportin aktual mes tyre.
Megjithatë, edhe pse natyra e takimit mbetet ende e paqartë, ish-partnerët kanë qenë të shoqëruar nga vogëlushja e tyre Poem Blu.
Në foton e siguruar nga Liberale.al, Ledri shfaqet duke mbajtur Poin në krah ndërsa Sara e cila duket e lumtur dhe e buzëqeshur mban në krah një arush gjigand prej pellushi.
A ishte ky një moment i thjeshtë prindëror për Poem Blu, apo një hap drejt një pajtimi të mundshëm mes tyre? Kjo pyetje ka nisur të diskutohet gjerësisht mes fansave të çiftit, të cilët prej kohësh ndjekin me vëmendje zhvillimet e jetës së tyre private.
Ndërkohë, pas ndarjes nga Sara Hoxha, Ledri është përfolur për një lidhje të re me vajzën milionere, Rina Zaiti. Ky lajm ka ndezur spekulime të tjera, por reperi nuk ka konfirmuar apo mohuar këto thashetheme.
Mbetet për t’u parë nëse ky takim i fundit në Tiranë ishte thjesht një përplasje rastësore apo diçka më domethënëse për marrëdhënien mes Ledrit dhe Sarës.
