Kur vjen puna për anën estetike, pak e vështirë ta besosh se Kryeministri Edi Rama mund t’ia lërë disa detaje në dorë të rastësisë. Në aktivitete të ndryshme ku ai është në sy të publikut, Rama është shumë i kujdesshëm që veshja e tij të jetë në harmoni me atë të bashkëshortes, Linda Rama. Tashmë që të dy kanë të njëjtin stil, në përgjithësi veshje që nuk janë të përgjithshme, nga ato që mund t’i shohësh kudo. Ndihet dora e Ramës si piktor dhe maniak i estetikës.
Që të dy duken shumë trendy dhe sportivë dhe veshja e tyre nuk lë askënd indiferent. Deri këtu nuk ka asgjë të re. Por në inaugurimin e sheshit “Skënderbej” ra në sy diçka tjetër, shkruan “Panorama”. Jo vetëm me bashkëshorten Linda, por Rama ishte kombinuar në veshje edhe me kryebashkiakun Erion Veliaj dhe bashkëshorten e tij, Ajola Xoxa.
Që të katërt kishin preferuar bluza të bardha dhe pantallona të zeza, gjë që i bënte shumë të veçantë në atë mbrëmjë inaugurimi, që natyrisht kishte rëndësi për Ramën dhe Veliajn, dhe u duhej që të kuronin mirë çdo detaj, deri në veshjet e secilit.
