Një romancë e re ka lindur dhe për futbollistin e njohur, Taulant Xhaka. Pas përfundimit të lidhjes së tij dy-vjeçare me Dorina Podrimaj, nga Taulanti nuk kemi dëgjuar më të reja nga jeta e tij private. Sipas “Prive” një bionde bukuroshe i ka rrëmbyer zemrën dhe flitet se gjërat mes tyre janë tepër serioze, përderisa dy të rinjtë kanë hedhur hapin për të konkretizuar marrëdhënien e tyre në prezantimin mes dy familjeve. Vajza quhet Abnora dhe është nga Kosova por që jeton në Zvicër. Dyshja ka dalë haptazi dhe në rrjetet sociale ku tashmë në profilet e tyre zyrtare gjenden inicialet e tyre të shoqëruara nga një zemër (emoji). Epo sa me fat vëllezërit Xhaka për këto vajza bukuroshe që kanë përkrah.
