Tri vite më parë Olta Boka i këndoi dashurisë së sigurt në “Top Fest 11”, në një duet me Erik Lloshin. Pyetjes nëse titulli “Ti më ke mua” përkonte me realitetin që po jetonte ajo, Olta iu përgjigj: “E kam edhe unë një person në jetën time, dhe ndihem mirë në këtë moment që po jetoj”. Duke i kërkuar të fliste më shumë rreth kësaj lidhjeje ajo sqaroi: “Unë mendoj që çdo marrëdhënie duhet të kalojë fazat që duhet të përjetojnë vetëm partnerët, e kjo për një kohë që vetëm ata mund ta vendosin së bashku. Ky është edhe rasti i lidhjes që kam unë”, u shpreh Boka në atë kohë. Ndërkohë që së fundmi tek Rudina Magjistari foli edhe për planet për martesë. Po kush është djali që ajo dashuron? Disa foto të shkrepura në Dhërmi, i kanë mbërritur në redaksi, shkruan “Panorama”. Këngëtarja 25-vjeçare është fotografuar duke shijuar plazhin krah partnerit të saj Iv Rrokaj, djali i deputetit të LSI-së, Shezai Rrokaj. Ata duken shumë të lumtur me njëri-tjetrin ndërsa miqtë thonë se kanë disa vite bashkë. 29-vjeçari Iv është pedagog i juridikut në Fakultetin e Drejtësisë. Dy të rinjve i kanë kapur edhe një puthje në buzë në bregdet, që ua kemi sjellë në fotot më poshtë.
