Aktori i njohur i “Portokalli”-së, Florjan Binaj, sot ka ditën e tij të lindjes.
Kjo ditë e veçantë Florin e ka gjetur në punë. Ai ka postuar një foto në Instagram me kolegët e tij të programit “Rikoshet” në Top Albania Radio.
Salsano, Adi dhe Indri janë duke treguar me gishta moshën e tij. Plot humor aktori shkruan: “31 vjeç! O do më ecë mbarë si numër fati, o do më ecë sconosciuto si #31#. Duke e festuar ditëlindjen në RIKOSHET”.
Mbetet për t’u parë nëse 31-shi do të jetë një numër fati për Florin apo do të jetë thjesht një numër i fshehtë, siç thotë edhe ai vetë. Duke parë që deri tani Flori ka qenë me shumë fat si në karrierë, ashtu edhe në jetën personale, pa diskutim që edhe ky vit i tillë do të jetë për të dhe ne ia urojmë me gjithë zemër./Blitz.al/
