Teknologjia ka “pushtuar” çdo dimension të jetës sonë, aq sa themi se e kemi shumë të vështirë të jetojmë pa të. Të gjithë i dimë se çfarë të mirash ka sjellë zhvillimi teknologjik, por ende nuk jemi mësuar me rreziqet e saj. Madje duket se rrjetet sociale, që janë një derivim teknologjik, e kanë rrëmbyer me shpejtësi jetën tonë. Të gjithë jetojmë në një botë virtuale dhe duket sikur çdo ditë e më shumë i largohemi realitetit. Mesa duket kjo gjë ka filluar ta shqetësojë edhe këngëtaren me origjinë shqiptare, Rita Ora. Ajo ka publikuar në ‘InstaStory’ një fotografi me një libër në dorë duke lexuar. “Jam e lodhur nga përdorimi i teknologjisë”, – ka shkruar ajo bashkangjitur fotografisë.
Duke qenë se Rita është kthyer në një nga personazhet më me influencë për adoleshentët dhe brezin e ri me siguri ky duhet të jetë një mesazh shumë i fortë për ta. Ndoshta Rita ka dashur të thotë se pak nga pak duhet të fillojmë dhe t’u kushtojmë më shumë rëndësi gjërave me vlerë, kulturës, për të zgjeruar horizontin. /revistawho.com
