Fotoja që nuk kishim parë, Lila “zhvesh” Canën për të mbrojtur portën

Prej mbrëmjes së të dielës e deri më tani, janë publikuar mijëra foto e video në rrjetet sociale që kanë lidhje me ndeshjen e Shqipërisë kundër Rumanisë në Euro 2016, prej të cilës dolëm fitimtar. Çaste nga ndeshja, reagime, festimi më vonë, lavde për lojtarët etj po qarkullojnë në internet. Mirëpo një foto ende nuk na e kishin zënë sytë dhe atë na e tregon Olti Curri. Në çastin kur kuqezinjtë po përpiqeshin të mbronin portën, Andi Lila për pak sa nuk e ka zhveshur Lorik Canën. Kjo është komentuar plot humori nga Olti Curri i cili e ka shpërndarë këto foto në Facebook-un e tij duke shkruar: “Andi Lila i ul brekët Canës. Ndërkohë qe kuq e zinjte janë në kulmin e lojës, kur Bekim Bala duket si në ndeshje boksi me grushtin mbledhur, kampioni tjetër Andi Lila në luftë për të kapur topin, ka qenë duke zhveshur aksidentalisht kapitenin e kombëtares Lorik Cana që është ngritur lart për të kapur topin. Fati i Canës që Lila ka shtrënguar vetëm mbathjet e kostumit sportiv dhe jo më shumë, se përndryshe kapitenit do t’i kishim parë jo vetëm shqiponjën tatuazh, por edhe ndonjë “shpend” tjetër”.