“Im vëlla është duke vdekur nga kanceri në spital. Nëse nuk të vjen turp nga ai, mos e kalo këtë postim pa klikuar “Pëlqej” dhe pa komentuar “Amen”. Zoti është i gjithëfuqishëm”.
Ky postim i shoqëruar nga fotografia e një gruaje të dëshpëruar, e cila përqafon një burrë në spital ka prekur gjithë përdoruesit në gjuhën spanjolle të Facebookut. Brenda shumë pak orëve postimi ka arritur mbi 500 mijë pëlqime dhe 210 mijë komente, të cilat përgjithësisht ishin me fjalët “Amen” apo me lutje të tjera.
Me gjithë famën e madhe, postimi u hoq pasi fotografia nuk ishte e personit që e kishte publikuar atë dhe historia ishte e gjitha e sajuar. Në të vërtetë kjo është një foto e marrë nga një film porno, e realizuar në ambientet e një spitali ku protagonistet ishin infermiere seksi.
